“ inta na cau palru kana minacay, adi ta diya pakalrang mudawilr mudadangi mu, nanta ikavavaaw, iniyan da cima’. ” kema marengay na cau. mudawilr ta mukuwa mudadangiya, maruwa pakasaadu data inana’u data kiningeran.

nu mudadangi ta muiyaiyan diya karuwa ta puwapuwa pakasayhu pakadawilr da piniangeran. di ini na udadangiyan mu, maruwa ta kadu kanta i Taiwan. di nu kadu ta kana duma na kanatal.

nu kadu ta kanta i Taiwan mu, maruwa ta mipaliding mukuwa kanta kinasaharan muiyaiyan, harem kananta kanatal mu, kaduwan lra na miinlranan lra micepa kana marengarengay maumalrumalr kanta kana duwa mudadangiya na cau. tu umalray ta peniya kana adi ta menana’u kana valray i savak, di na akanen diya mu, maresayhu kana sinsi na pananadam kana pinidare’an di kana kakuwayan na kinawacanan.

kalre’ayan ta mudadangi kanta kanatal, nu ulra ta diya ipaladuk da ’a’iyar da paisu mu, maruwa ta lra muiyan. ’inava nu milralrang ta karuwa ta mareilran.

ini na udadangiyan mu, mau na patakakesi kanta, semalra na temakakesi i rakad mu, nu pulaludus kantu tinakakesiyan mu, mukuwa diya mudadaiya parasan.

mau na kinakuwa na “nu temakesikesi ta lra da sadu na valray mu, adi kamawan nu padawilr ta da inlrangan a dalan.” kema tu pauwayan. semalra marayas ta mena’u kana ’alra’alra na duwa mudadangiya kanta i dekalr.

一個人若沒出去旅行過，會被說活得沒有價值。旅行使人增加見聞，開闊視野。

在國內有人自己開車，國內有許多名勝古蹟。經驗豐富的解說員，會介紹在書裡沒讀過的知識，各地的特產，比老師說得還清楚。

在國內旅遊很方便，但最好結伴同行。

旅行也是教育，所以高中畢業前學校會辦一次畢業旅行，正所謂「讀萬卷書，不如行萬里路。」