kiariari akuisa hlipararahlamana, miararuma hla’alua maruka ucani muriparana ’ihlicu varatʉ, arupauhlimaiatuhluhlu miararuma, maruliliunga takuari, maiatuhluhlu miararuma, uramangʉ tahlana usu manʉ macimaruka muacʉkʉhlʉ rutahlaʉ. marumʉmʉa ma miararuma ucani muriparana valahlʉvahlʉ, mamiararuma miaʉlʉsʉ cucutahlana aariaarimangusipi.

maru ucani aari, amihla ahlaina varatʉnan hlahlusaisa: arinani ihlakucua mualiuhlumusa takuari miararuma, muasacuaku taku’i’iarʉ. musacua ahlaina varatʉna, marumiararuma takuari kupausu’ulua hlahlu saisa, takacicihli takuhlusuhlusu taku’i’iarʉ, miungucu araruvana ruma hlaʉ, pausu’ulua hlahlusaisa, tiaraisa kuna puaili? pitahlusuhlusu upapalu, kurahlua puailicua ahlainaisa, hlahlusaisa kupakisusuahlaisana, umacʉka matata rumahlaʉ hlamairahlucua hlahlusaisa, mualiuhlucu musatakuari, sasʉpʉta ahlainaisa, amihlaisana: ihlakumana’ai ararataʉa muasa takuari arinani.

patʉrʉmʉrʉmʉa hlahlusaisa, patuhluhlu ahlainaisana aunanacu tararianʉkari ahlainaisa apatakuari ahlainaisa, miungucu araruvana auna na pautukarahlacu ahlainaisa ruvanacu puaili, rumiacu pautukakarahla tumuahlahlusaisa maacahlia hlicaliva hlitakumia rumahlaʉ.
umacʉka matata, aunanamana ahlainaisa pitai’ahlʉ hlahlusa isa muasalacuaku taku’i’iarʉ, musalahlahlusaisana malavavilihlisanakumita, tumuamaacahlia hliparaahliaisa, kurahlua, mutʉahlʉ ahlainaisa nua hlahlusa valahlʉvahlʉna, maisana arukarumukuka sasua, umarucaruca kʉka hlahlusaisa varatʉna, paripa paripusipusi kiu’utataisa apukua likusu valahlʉvahlʉna apupikulu, aunanaka hliparapihlaisa hlahlusa valahlʉ vahlʉna alapikulukalikusuisa miungu kani’i.

從前，在奇異時代的時候，拉阿魯哇部落中有一對風神夫妻，輪流守護部落，在部落附近巡視，守護部落，以防部落受外族攻擊。同時，在部落也住著彩虹夫妻，在部落一起和族人們共同生活。

有一天，風神妻子對他的丈夫說：今天輪到我去巡查部落了，我就先去工作了。於是風神妻子便出發，在部落附近巡查、巡視，風神丈夫不疑由她，繼續自己的工作。到了傍晚時候，風神丈夫發現妻子怎麼還沒回來，於是繼續等待。不久，風神妻子變回來了，風神丈夫也沒有多說什麼。

隔天的時候，原是應該換風神丈夫出門巡查，可是風神妻子便叫住了他，說：我看，今天還是讓我去巡查吧。風神丈夫以為只是妻子體貼自己，便答應妻子的要求，讓妻子出門巡查。到了傍晚的時刻，又發現妻子今天回來的晚了，便開始起了懷疑，想要明白過程中發生了什麼事。於是，隔日早上，風神妻子一樣和先生道別完後，便出門工作了。可是風神丈夫偷偷地跟在她的後面，想知道發生什麼事。不久發現妻子與彩虹丈夫見面，兩人還很親密，於是生氣的吹了一口大氣，將彩虹先生吹得腰都彎了。這也是為什麼現在看到彩虹都是彎彎的原因了。