106 年全國語文競賽原住民族語朗讀 【南排灣語】 國小學生組 編號 3 號
saviki

ta sicuayan izua ti satjukutjuku, na mapu tua dripupun atua aluvetjuljatan, sa vaik a sema tjatjan.

qau sidjilai i tjatjan azua inapuan, sa cemuvuq azua djilai tua saviki, qau meqaca sa vangalj azua saviki, qau isavikiyin ni satjukutjuku tu apuin. azua ti satjukutjuku vaik a kivala a semazua itjua tapau nua mara qali, manu pacunan ini a pinarimasudj a tapau.

qau malap tua suapan sa suapen ni satjukudjuku, makaparimasutj ti satjukutjuku, tjemangtjang ta saviki, maka tjamgtjang anga ta saviki, vaik a cemikel tua tjumaq nimadju, manu patje mangtjez a mare qali, pacunan a tapaw qivu a mayatucu:” ljaqa, tima nasemuap tua tja tapau? tja manguaq a tja raungen aya ”.

qau raungen nua mare qali, manu mangtjez azua ti satjukutjuku, qau puvaljavan anga nua mare qali, aya a tjaucikel, saka mavan nu sika izua nua saviki.

ka sicuayan neka nu saviki, quzayi nu izua kedri aravac, aicu a saviki tja sinan pazangal aravac a masicuai, pitua tja kakudanan, nu palisi. nu puvaljau, nu maqepuqepu, nu kivala, nu ljemagai tua tja sikataqaljan tua tja qaljaqalja, avan nu saviki a tja sisangas a si padjadjaludjalu tua caucau tua tja qaljaqlja. na makuda a tja sinan pazangalan tua saviki nuaya itjen, nu matjalima a qapuluan, cengeng anga nua nasi na caucau, tua na penazangal a saviki, qeceven a nasi, mamau ta nasi a na seman pazangalan, aya tjemaucekel a ramaljemaljeng.

ljawa, tucu anga, ini a nga na ipasusu tua sicuwayan a tjakakudan, pitua si pacunan a si apuan nua tja ivilivililj, sinan kakanen anga tu sika paunung anga a kinacavavan, ulja tja iyumaljaw a tja si kakudan a tja si apuan, sana maqati a kiljivakan a tja kinacavacavan nua tja sikataqaljan, mavan na tja lja pazangalan anga tucu.

106 年全國語文競賽原住民族語朗讀 【南排灣語】 國小學生組 編號 3 號
檳榔

以前,有位叫撒裘古裘古的女孩,她口裡總嚼著檳榔就前往水源地,到了水源地時會將口裡嚼著的東西吐在水源地,結果她吐在水源地的吐汁就長出了檳榔芽,之後檳榔開花了,於是她就摘採下來嚼。後來,撒裘古裘古有一天去她的朋友那裡,由於屋內髒亂,就拿起掃把清掃,整理完後,便自己搗製檳榔吃後就回家去了,她的朋友回來時驚喜的說:「哇!是誰將我們的家整理乾淨?想將她留下來當妻子!」後來便結成連理。這是檳榔文化的由來。

早期,是没有什麼檳榔,就算有也是少之又少,老人家說檳榔對排灣族部族而言是極為重要,嚴格說,珍貴程度有如人的生命般重要,那是因為物稀為貴,而且族人會在祭儀、婚禮、迎賓、作客、招待等,會以檳榔首為招待之物品,如今除了因為文化習慣的改變;檳榔的多樣及成為經濟作物,而且也視為解饞嚼物,反而巳成危害身體的食品, 族人應該注意方能保有健康身體才是重要。

 

文章資訊
文章年度
106
文章編號
3
文章組別
國小
文章語別
南排灣語
族語標題
saviki
漢語標題
檳榔
文章作者
何鳳美
漢語摘要