pipi! pipi! kuahau! kuahau! ayaya matu ku langedangedan a kemasi kasasavan, pakirimu aken a ljeteku sa ku kemasi qezung a paljilji, u! iya! kukeljangen tu ti kama i iyubing, pakirimu aken a djemaulj tjai vuvu a malap ta hang , ulja makaya temalevak tua kuahau.

tazua sekauljan aken tu malap ta qecap(kacian), sa pasigaljuyin ni vuvu a cemelak, manu sinipasusuq ni kama i maicus a kemasi taipei a siasing nimadju. matu nema a levan ni vuvu tazua, au kiseljang aken a maleva auta!

aicua ti kama i iyubing, namatjak a tjalupun a sinitung, a tinivavavan a utubay. aza utubay i tjai qayav i tjailikuz izua sinan lubuk, papangaljan tua mareka tigami katua cinavuan. penaljipaljing a sematjez tua tigamiyanga, nakipapaulingav napasusu aravac tua sengesengan nimadju. saka inika puzalangezang puljaljeqel, inika puqemudjalj puvenali, kamayan sakamaya kidjeliyan tjanuitjen a sematjesatjez tua tigamiyanga. aicua namaitucu a namakakiqadilj a sikudan, anamitatekuwan, napenaqaljai aravac, mavanu tja kakicualan a paqulid.

maitucu aza tjaucikel nivuvu, kapasusangas tu unem apuluq a caviljan, a tja qinaljan kasicuayan, nekanan a pacacikecikel tua ta langedangedan a kemasi tjuqalja a patjara nemanga , namatjatju qinaljanaljan itjen, nu izua pacugan, ikatjena selangeda ikatjena seljavak, nekanan a ljingas(dinva), uangka, nasemarukuya aravac a tjasikarakudan! amina iyubing a navenacaq tua tja kinipaparangezan tjaimadju!

ayata azua siparecacikelan nua qinaljan katua itjuqalja, azua i sasasasav a semupusupu a maqacuvucuvung atja sikatjaqaljan, mavana tigami a kini paparangezan tua sikeljakeljang tua sipacunan, tu namakuda kata kemudakuda i qinaljan katu i tjuqalja.

pusaladj a mantigami tua tiamadju a inika kemeljang ta ljinautiyan a vecik, sa izua nu pusaladj a semupu tua tigami ana kemasi tjuqalja a tjasikataqaljan a sivitjay, izua nuseljavak itjen a kiqaivuavuan ta vuluvulung, lemalimaliman sa qivuivu, ayata pairang tiamadju, ikamacaqu tua ta kayi, pazangal a mareqaivu. au timun a kakedriyan tjara pazangal a masalu taicu a namaitucu a tja parekiljivaljivak a paqulid, lja ikamun anaseljavak a tjaivilivililj!

saka nu djaljunen itjen niamadju a iyubing a sematjez tua tigami, maljimalji tjayavav sa pudjavadjavayi a papupicul tua tja iyubing!

pipi pipi！信喔！掛號喔！我好像聽到了從庭院熟悉的聲音，我連忙的奔下樓，原來他是來送奶奶的掛號信。奶奶拆開信件，原來是maicus舅舅從台北寄來的生活照。看到奶奶很開心的樣子，我也跟著很開心呢！

郵差叔叔，一身綠衣帽。我常看到他騎著一輛綠色的機車，前面有特製的分類的裝信籃，及後座有掛綠布的袋子，裝滿各種不同的包裹。

奶奶說約六十年前的部落，沒有資訊和傳播媒體，更不可能有網咖，對外聯絡非常不方便。

當時的郵差，再怎麼窮鄉僻壤上山下海都能送達信件，部落與外界的交流，或到外地讀書的學子都得靠書信往來。除了送達信件肩負著傳遞消息外，還常常幫忙不識字的民眾寫信，或幫忙遠赴外島從軍的子弟們，將寄來的家書讀信給老人家，有時候常看到郵差會比手畫腳的，對部落的老人家噓寒問暖呢！

只要手機一撥馬上聯繫到，或發簡訊待會兒就收到；寄送各種物品不一定要到郵局，便利商店有宅急便。

如果郵差先生，送信件到你家，別忘了說聲謝謝您！辛苦了！