ti kinai djupelang sipuljaljakan ta vetjek ni kina, tja vulung tu sepatj a cavilj tja nu aken. nu liyav a pacugan ni kina, timadju a ruvangavangavang tja nu amen a marekakakaka. macaqu aravac ti kinai djupelang a kipusengesengan ta rematjumaqan, inika rusegarangan ta kemudanga, masekaulj aravac!

aicu a rematjumaqan a saliman, a venateq ta itung aya, a venaivay, a cemipilj, a lemikezalj ta cengelj ta kaiven, a kikasiv, a kizaman ta sipecungu aya, neka nuika kacaquing. a nia cacekauing i kakesan galiljegiljegilj ta siuratan ni madju.

nu na piyumaq tja nu amen, nu masukincengelj ciyuren amen a kikasiv. izua kakikasivan ni madju a tuqutuquljan i pasuzayazaya ta nia qinaljan, nu namacay a ricing sa na sekelayanan ta kasivanan, kalavisen sa pasetjaulai. nu tja kakudralan a kasiv valjaketjen a pukeljang sa nia djauljan tjai vuvu a pusaladj. izua nu seqadilj amen a kemacu makapusapusalj amen semakuc ta kinaliyav. na mapuljuq sakamaya i varevar ta djinumulj a kasiv a zaman.

izua nu pararigurigur amen kata nia ljaqediqedi ta rematjumaqan a parimasudj, inikamen a venala ta djaljavan ni madju nu kipusengesengan, maya mapualjuanan ta pinakazuanan. macaqu auta seman kakanen ta djinukul, ta cinavu, ta qavay. tjalja paqenetjan aken ta qavay nimadju a pinukataljapan, sedaljep aravac ta qavay a pinaluveluvan ta ciqav a makapana, tja sanguwaq ta pinuljavuluwan.

ljakuwa, saqetju ti kinai djupelang a kemasi pasusangas tu lima a cavilj, sa ika makayanga a setavat, aicu i tjaiteku a kinacavacavan masupicul. ljakua nu tjumaq timadju kumalji a pakavavavava anga  ta sizuruzurung a qiladjan, anema nu kinasaljinga tu keman maqati anan titjaina a semankakanen ayain amen. a kaiyan nimdju "titjen a caucau nu maqati anan a miraruag, nakuya miseparutan aravac "aya!

nu sekaranekamen ta anema, aiyanga lja sisetukezan ni kinai djupelang aya ken a pivarung! izua nu cemavu a nia ljaqediqedi sane pakani, aiyanga ljaqunu a cinavu ni tjaima ayain amen ni kina.

djupelang阿姨是母親姊妹中排行老么，只比我大四歲。當母親工作繁忙時，她自然就成了我們姊妹最佳的玩伴。djupelang阿姨很會做家事，手腳非常勤快！

家務事一樣都難不倒她，舉凡洗衣服、曬衣服、折疊衣服、烹煮三餐、砍伐柴火她都上手，我們家廚房用具她都洗刷的金光閃閃。

她若負責照顧我們，午後她就帶著我們去砍柴，她有一座私有相思樹林在部落上方處。若有枯枝還懸掛在樹上，她便把它勾下來，若是較大的木材就請vuvu來幫忙。有時候柴火多到一趟搬不完要走兩趟才成！我們家的小柴房永遠是堆滿木材的。 

有時我們會跟鄰居比賽打掃整理家務，沒人能贏過她，手腳俐落又快又乾淨。她也會製作傳統美食，像是芋泥棕、小米棕、小米糕。我最記得魚餡小米糕包著克蘭樹葉的滋味，味道美極了！比包著甲酸漿葉的好吃。

五年前djupelang阿姨病了，下半身癱瘓。我們家只要缺什麼，我就非常懷念健壯的djupelang阿姨，她所有的好！鄰居分送小米粽給我們時，媽媽常說超想念她的小米粽。