107 年全國語文競賽原住民族語朗讀 【噶嗎蘭語】 國中學生組 編號 4 號
semudad tu sasudadan

pitemawaR qangid tanan temaqsi, semudad ti patuda na Ripanan, tangi temanan sasudadan sudad, pitemawaR niz imi melana tu kiya sasudadan, wanayka mai azu tu kenasianem na anem niaq patudan. tangi deddan, patudan qawqawman yau ta Ripanan semudad tu muwaza sasudadan niaq temanan.

taytan ku Ripan, pilay ti anem ku, azu maken suppaRan iku ay sasudadan, qatenes qawka qalupun semudad, qakenutan ku nani, Rayngu iku semudad ay, padames qatenes qawka qalupun semudad, nazau qaRayngu ti iku ngid tayta tu tilibi seRay mawRat, padames pasi tuRantuRabi qawka qalupun semudad qawka qanengi maynep. tangi sasusadan ay sudad, muwaza, yau qaya nizu qataqan ku Rayngu iku semudad ay sasudadan.

temanan saleppaw, melazuk pa mulepun sasudadan ku, melalazuk ti iku qeman, melalazuk iku muzis, timangu pilay anem ku madded ta ngayaw na takan, pazukatan ku sasudadan, taytan ku sasudadan, tuRpus ti anem ku. kumnut ti iku qaya, manna pataz muwaza nipazukat na patudan tu sasudadan temana, kumnut anem sasetaR ti mai tu qunqunian, mai qakiya sasudadan, yau anem ku qalazukan palupun semudad, wanayka qasiR mesuqas ti anem ku, yau sasudadan nengi sudadan, wanayka qatenes qawka qalupun semudad. yau sasudadan ay, kemilim pama ta zuman sudad qawka suppaRan ta naqunian ta semudad, yau zuma kemilim ta zuman sudad mai qapakala tu naqunian ta semudad, yau zuma ussiq sasudadan tenes qawka mulepun semudad, nazau padames ti iku azu penu mengasan, qasiR melaziw ti duki, qalizaqan ku ay sataytan tilibi malaziw ti, ngid palupun tu sasudadan, kingan ku ti suani ku meniz ta temunawan temuRes, ngid palupun tu sasudadan, kingan ku ti utani ti duki tuRantuRabi ti, padames ti iku pilay, niz ti maynep lazat na pinilwppaw, wan ti ma aiku maded ta ngayaw na takan, mengasan palupun tu sasudadan.

maken ngid ti iku uRing mai tu sauRingan, wanayka sudadan nani qakelawkawayan na pataqsian, azu buqaRes mai semudad, qaqayla ti patudan seRay tama tina, Raqana, maken melabut mai ti ngid sudad ya anem ta, qawman palupunan ta sasudadan qawka nengi ay pataqsian.

107 年全國語文競賽原住民族語朗讀 【噶嗎蘭語】 國中學生組 編號 4 號
寫作業

每天放學前,老師總會黑板上寫上今日作業,雖然都在期待黑板上寫得作業越少越好,不過天天都讓我們失望。

就算是最拿手的科目的作業,也要花一段時間,而討厭的、不會的科目會花更多時間,沒時間看電視、玩耍,還要很晚才能睡。偏偏今天的作業很多,又都是不會的科目。

為了要早點寫完,回家後用迅速吃完飯,迅速洗澡,煩躁地坐在書桌前拿出作業。一看到習題,心就涼了一半。雖然曾經鼓起一股要完成作業的衝勁,有的作業很好寫也要花很長的時間,有的作業還得找資料才寫得出來,有的找不到資料可以參考,我馬上被打敗了,作業的進度像烏龜一樣慢,我喜歡的電視節目已經播完,為了要完成作業,我不在乎時間越來越晚、我越來越累,家人都去睡了,我仍坐在書桌前緩慢寫作業。

不過,做作業是學生的本分,而且如果不做作業,會被老師或父母罵,即使再怎麼不耐煩,還是盡力把作業完成。

文章資訊
文章年度
107
文章編號
4
文章組別
國中
文章語別
噶嗎蘭語
族語標題
semudad tu sasudadan
漢語標題
寫作業
文章作者
江素珍
漢語摘要